Thursday, June 28, 2012

NYABUNG

DIRECTED BY: TERESA BILLY BAYANG
EDITED BY:TERESA BILLY BAYANG
DIRECTOR OF PHOTOGRAPHY: RICKMARTHEL KAYUG
RESEARCH & WRITER: TERESA BILLY BAYANG
CREW: YOONG LAI YEE, AZMI TAHA, NINA ADAM, JENNI TAI, EFFA, NISA
The focus is on a rural Iban society in Betong Division which treats cock fighting and betting as a recreation and hobby. Here cock fights involve not only adults but teenagers. This inevitably conveys a negative value from adults to their children.This documentary will also highlight a social issue that arises from this gambling recreation, specifically the negative and positive aspects of cock fighting. The positive aspect of cock fighting is that it could widen a person’s circle of acquaintance among the spectators of the sport whereas the negative aspect is that gambling never brings any benefit to anyone’s home economy and brings bad influence on teenagers.  

Wednesday, July 7, 2010

ADAT NGULIT

Belabuh ari Serapuh diajar ulih antu puntang raga, laban sida ti berunggu mayuh amat mati. Diajar meri baya chukup-chukup, diajar ngulit ke ditampung kitai diatu.

1. serara bungai – enggau manang nitih ke timpuh aum rumah

2. ngetas ulit – semua ke ngulit ditetak buk

3. ngambi entebalu – kaban ari sepiak ngambi entebalu, dua kali ganda adat pemati(chunto:ti bini mati,kaban sepiak ari kaban bini ngambi entebalu,ukai kaban laki), buk diguntin,diminyak lalu disugu,enti laki beragum lalu dikendis,kukut dipapal,lalu tau ngemujang tauka ngenara ke diri

4. entebalu tau diambi lepas 6 bulan

5. tebalu mansau tau diambi lebuh maya Gawai Rugan(Gawai Antu)

6. Orang ngacau balu maya agi ngulit dikumbai butang antu belaki tauka bebini dikumbai berangkat antu

7. bebini tauka belaki maya agi tungkun api dikumbai berangkat tulang

8. Guang seduai Sendi butang antu diukum sepikul(RM100)

ADAT ULIT

1. Penyauh enggau pemati kawasan ulit nitih ke setuju bala mayuh

2. adat ka dibai urang ka mati nitih ka tipak pengawa ti dikereja iya lebuh agi idup

3. enti urang bisi ngabang nitih kandang ulit,sida enda tau enda nganjung adat,sigi panding,benda basa RM2

4. enti ulit udah buya adat sigi jabir

5. enti bala ka semakai gawai bisi begawai ngambi ngabang sida mai adat benda,sigi panding RM2,sigi jabir ngagai urang ke empu pemati lalu sigi jabir kena ngangkat ka rumah ngabang

ADAT NGEMAS PEMATI

1. Sebedau iya ke mati disimpan dalam sentubung sebayan mesti diberi makai

2. sentubung mesti ditumbak penalam 6 kaki

3. lebuh malam balu jenila enggau pintu mesti ditambit rapit

4. tungkun api sama enggau pemakai sebayan, tiga lemai nya

5. tiga lemai nya meh indai tuai dipilih makai pulut chelum

6. pulai nganjung antu,ulit lalu ditanggam,pengelama nitih ke kaban belayan ke empu pemati

ADAT JAMBAN

Urang keterubah ngaga adat jamban tu nga Antu Gerasi Belang Pinggang lebuh iya jadi enggau Gupi,anak umbung Bada seduai Riduh. Kitai Iban ke dulu minta adat jamban ianya Raja Berani ke benama Awan lebuh iya jadi melaki bini nguai ke Lada anak Uyut Bedilang Besi. Nya ke ditunda kitai kemaya ari tu

ADAT BESAPAT(JADI MALI)

1. Babi dua iku.siku enggi lelaki,siko enggi indu,bunuh ba ai lalu darah kena mandi

2. pedang panjang kena ngerandang remang rarat

3. beliong lajong kena mungga urat lensat

4. sumpit tapang kena ngerejang lubang kilat

5. kumbu rayung kena nyerayong tekuyung dalam ungkap

6. kain berang kena miau mua ari sarat bebuat

7. pinggai besai kena nyekat tanah rarat

8. besi panti landi ke alai kaki betakat

9. rangki siti kena nasih ai ngambi ke enda beriap

10. tempayan endur nyimpan semengat

Orang keterubah ngena adat tu ianya Abang seduai Tali Bunga. Seduai tu baru sekali petunggal udah kena tinggang ukum 10 igi jabir.Mukol seduai Ibu ya Berenyan besapat maya tu kelia. Nitih ke adat Sengalang Burong,rumah iya rusak laban kudi laban pengawa endang mali.

ADAT DAPUR RUMAH PANJAI

Dapur chelap – genselan manuk siko

Sangkar sigi panding RM2.00(kebuk sigi)

ADAT GENSELAN MENUA

Ti mati di tanah tauka menua urang:-

1. babi siko ke udah tumbuh taring

2. pinggai sesingkap

3. sangkar sigi alas (RM4.00)

4. besi sebujur ke kering semengat

ADAT MELAH PINANG

Aji ke berani ati ngilah bulan, anak Sengalang Burong Aki Jugu Menaul Tuntung.

Endu Lilih Sintung Benih Pulut Balingian anak raja Sempulang Gana keterubah diatur ngena adat melah pinang bepun ari Sengalang Burong

ADAT MIRING

Bepun ari raja Semarugah ke milih menantu ke laki anak dara iya ke benama Endu Endun Serentum Tanah Tumbuh, entara Semupulang Gana seduai Bujang Inin.Urang ke nyadi menantu ya ianya Sempulang Gana

KETERUBAH NEMU MENGAP

Kitai nemu mengap bepun ari anak Numpi ke benama Lau Mua beranak ka geringu,Sumbang,Suduk enggau Malang diajar oleh Antu Sampang Gading.Sida empat diri menyadi tu ti keterubah belajar mengap.

ADAT BALANG TINCHIN(BULA KE SEMAIA)

BUP Adat Iban 1993-bagi 4 lumar 140 limpir 45

Adat pemalu 50 mungkul- RM50

BESUA TINCHIN(becherai manis)

Enti seduai melaki bini sama deka sarak nadai enggau laya,nadai kebuah tauka ketegal mimpi tauka burung,ukai ketegal butang betumbang. Seduai deka beterang ba Penghulu tauka ba 2 iku tuai rumah. Siku ari indu,siku ari lelaki.

Adat Becherai Manis- seduai sama nyua ke tinchin tauka ssagin entara sigi alas-RM4. enti adat apin disua seduai apin tau bebas bujang dara. Enti bisi beleman enggau urang bukai seduai tau dititi adat butang- Adaat A1 1993 bagi 4 lumur 5(1) limpir 49

Butang tinchin

Penyalah dikira dalam kandang timpuh adat betunang. Enti indu tauka lelaki bisi beleman enggau urang bukai(having sexual relationship) benung timpuh kandang betunang. Diukaum sepikul RM100, pemalu RM50- Adat A1 1993 lumar 170 limpir 118 bup adapt iban(dal)

Berangkat Tinchin

Enti lelaki tauka indu benung diau dalam kandang betunangtang enda mukai mukai tak jadi enggau orang bukai. Diukaum sepikul RM100 pemalu RM50.-Adat A1 1993 lumur 174 limpir 55(DAL)

PEMATI KITAI IBAN

PEMATI KITAI IBAN

1. serta ngapus ke seput. Orang ka mati alu ditanggam mulut enggau mata.kaki ditaur enggau benang mansau

2. beri mandi

3. digari enggau utai manah lalu di baiya enggau keresa kena sebayan idup.

4. sapat enggau pua kumbu,enti udah kemas digari baru ditanggung keruai,diengkah dalam sapat.

5. alu enggau lesung dipelintang ka ba pala tangga,kena nagang bala sebayan niki ka dalam rumah.

6. lebuh bangkai ditanggung pansut ke ruai lalu ditabur enggau leka padi,enggai ke pemakai rua

7. kejang pulai ari pendam udah kemas numbak ka iya ke mati, siku ari sida ke tuai ngaga pengait kena ngait semengat pulai

8. siku ari sida sebilik ngaga serepak lalu ditanam tunsang ba tisau jalai pulai. Enggai ke semengai iya ke mati nitih pulai ke rumah.

TUSUN TUNGGU KITAI IBAN

TUSUN TUNGGU KITAI IBAN

1. Sejampar – 5 sen

2. seliar – 7 sen

3. setali – 9 sen

4. se uta – 10 sen

5. sigi menukul – 30 sen

6. sigi jabir – 50 sen (diatu seringgit)

7. sigi mungkol – seringgit

8. sigi panding – 2 ringgit

9. tiga mungkol – 3 ringgit

10. sigi alas – 4 ringgit

11. alas ngerang – 5 ringgit

12. rusa indu – 8 ringgit

13. rusa lelaki – 10 ringgit

14. sigi menaga – 16 ringgit

15. sepikul – seratus ringgit

ADAT MELAKI BEBINI KELIA LEBUH AGI BEMUSOH

Keterubah kitai iban nemu Iban nemu adat bederian belabuh ari Tindin ke bejuluk Kepimpin Beragah Mindang bejadi anak iya ke banama Rinda jadi enggau anak Beketan Entinggi ke bejuluk Keti Aur Tulang ke benama Demong disebut Derian palit mata laban kitai agi bemunsuh enggau bansa beketan.

-ADAT KE DIPINTA-

1.Entinggi minta pala setibang enggau selebuan ketawak

tuju minta pala-palit mata*nyabak ke urang mati

Ketawak-penuduk ngambi ke tan duduk berandau enggau sida serumah

2. Tindin minta bedil sebatang,sumpit sebatang enggau tangui serawong

Minta bedil ke jamban kena meraka sungai ke menua sida Entingi

Sumpit ke penyandih ngambi ke tan duduk berandau enggau sida serumah maya nemuai

Tangui serawong ke tudung kena ngelaban ujan di rantu jalai

3.Renggi jadi enggau Pala anak Uyut ke beensumbar Bedilang Besi tuai ari Anyut Paku ngena derian kelimbak selambu pemuka pintu

-minta tajau tutup gong

4.Galau anak Mawar Biak seduai Lena.Chandu anak Bau seduai Selangka.Chandu seduai Galau jadi ngena Derian Tanam

-Bau minta pala baru selanji

-manuk seratus

-tugal sebatang

-tawak selebuan sanda kaki

BENDA TUKAR NGAGAI MATA WANG

1. selebuan tawak (penuduk) sigi alas – 4 ringgit

2. bedil sebatang(penyandih) sigi panding – 2 ringgit

3. tanggui serawong (tundung) sigi jabir – 1 ringgit

4. sengkayau gari (enda tau nyembui gari begulai sengkayau enggau entua) sigi panding – 2 ringgit

5. bungai pinang (sigi alas) – 4 ringgit

6. siar uras (sigi jabir sepintu) – 1 ringgit

7. adat jamban(sigi alas) – 4 ringgit(dipinta urang ke nguai)

rengka piring

RENGKA PIRING

1. Dara Santih - Sireh

2. Dara chelum - Sedi

3. Dara Sandu - Ruku

4. Kumang Dara Simbut – Letup

5. Kumang Dara Bagau – Semakau

6. Kumang Dara Ganggam – Penganan

7. Endu Temuku Tali Telabu – Telu

menua petara

SAMPI

Kebuah kitai Iban nyampi nesa sampai tujuh nya laban bisi tujuh iku petara ti endang dikarap ianya sida diri menyadi.

1. Sengalang Burong

2. Raja manang Menjaya

3. Raja Biku Bunsu Petara

4. Raja Sempetuh seduai Sempandai

5. Anda Mara(Gangga Ganggai)

6. Ini Andan

7. Rangkang Kirai Raja Sua(sempulang Gana)

SENGALANG BURONG

Aki Lang Sengalang Burong

Aki Jugu Menaul Tuntong

Berumah di Tuchong Bukit Sanjung

Besinjang tatai redai isang

Nya orang ke beempu; tanah laman seram entam belayan madang sabang

BIKU BUNSU PETARA

Tuan biku imiam bunsu raja

Petara, pantan inan Raja Jedia

Menua di punggang batu berua kena pansa beras kuning

Nait ke bukit Lubana Sawa ti ketawa rising-rising

INI ANDAN

Ini Inda rabng menua

Ini ini rabong hari

Di penyawan pintu bulan ke meruan tampak terang,

Di penyuang tangga bintang baka bulang teku taji

SEMPULANG GANA

Di munggu lunsur ujan begulai

Enggau perugan pumpun temiang

Tinting pemaring bulan memelan baka tegalan lama lang

MENUA ANDA MARA ENGGAU GANGGA GANGGAI(sama menua)

Di sungai kapar bendai

Berangangai minta gantong

Di lebak kapar tawak betekiak minta pangkong

Di rantau kapar tajau ke beterangau minta tanggong

*suah urang nyebut dalam leka main bukai gangga ganggai seduai Anda Mara madah kediri urang ke pemadu kaya dalam dunya berumah di nanga lubang wang

SEMPANDAI

Di wong ke beranggong tinggi

Dinggai-dinggai di legit bukit giai-giai

Berumah di tatai balai nyabong di tengkujoh panchor wong